Vo jaate jaate...

Vo jaate jaate mera saara saaman le gaya...
Har kona khali kar gaya, mera har armaan le gaya...

Kuch zaroori kagzaat the mere us saaman me,

Kuch ghazale thi, kuch dil ki baat likhi thi

Ek fehrist thi sapno ki, farmaishen kaii sath likhi thi,

Ek baksa tha jisme uske die tohfe rakhe the,

Bachpan me Jo toot gae the vo khilone rakhe the

Bada bedard tha vo Jo mera ye saaman le gaya

Har kona khali kar gaya, har armaan le gaya.....

Takiya tha mera jispe mene khwaab dekhe the

Ek aaina the jisme jawaani ke adaab dekhe the

Ek chitthi thi jisme meri muhobbat ka izhaar likha tha

Us jaane waale ke lie mere dil ka pyaar likha tha

Vo anjaane me le gaya uske haath na aa Jaye kahi

Meri muhobbat ka fasaana dar hai use mil na jaaye kahi

Vo apne saath mera dil, meri jaan le gaya

Har kona khali kar gaya, har armaan le gaya.....